De Botansche Gaarn van Willemshaben
Wokeen de Planten, de guntsiets an´n Diek oder in de Dünen wasst, nöger kennen lernen much, denn is een Visiet in´n Botanschen Gaarn van de Stadt, den lüürlüttjesten Gaarn van Düütschland, anraden.
Hier ward op bloots 8.500 Quadratmeters de Planten van´t Norddüütsche Flachland, de basigsten Kultur- un Nutzplanten, ´n heel Bült Sömmerblömen un –stauden vörstellt, all mit Bedacht van´nanner trennt un nipp un nau verklaart. In een lütt Gewächshuus ward een Plantenutwahl ut dat Kuntrei van´t Middelmeer, de Tropen un de Subtropen wiest.
De Intree in den Gaarn un dat Mitmaken bi Föhrungen kost nix. Anners de Veranstaltungen, de kost wat. Jedeen Spendeern för den Gaarn is willkamen.
|
